• A formación é un pilar importante á hora de mellorar a empregabilidade das persoas en paro, así como unha forma de actualización constante e reciclaxe que permite estar sempre ao día en canto a novidades neste terreo.
O Grove, 18/09/2012.- O Concelleiro de Economía, Facenda e Persoal do Concello do Grove, Juan Luis Callón Cameán, informa que dentro do programa de difusión da cultura emprendedora e apoio aos desempregados locais (e a través da Axencia de Desenvolvemento Local e o Servizo de Orientación Laboral), estanse a programar a celebración de tres talleres relacionados coa temática da busqueda de emprego.
Para atopar emprego é importantísimo buscar a diferenciación nos perfís de características e no xeito de levar a cabo a busca de emprego, xa que esa diferenciación, é a que leva a acadar o obxectivo de ATOPAR EMPREGO.
Os talleres programados son:
BUSCA EMPREGO NA REDE! constará de 15 horas de duración e celebrarase entre o 24 e o 28 de setembro.
O obxectivo é que aquelas persoas desempregadas que descoñecen Internet e todas as súas utilidades se acheguen a esta ferramenta tan empregada na procura de emprego.
Os contidos a tratar serán:
- Coñece Internet.
- O correo web, ¿cómo crear a túa propia conta de correo?.
- Búsqueda de emprego en Internet.
- Análise dunha oferta de emprego.
- As redes sociais 2.0
EMPREGA EN FEMININO constará de 12 horas de duración e celebrarase os mércores do mes de outubro.
O obxectivo é que as mulleres do Concello do Grove desenvolvan habilidades sociais para mellorar as súas relacións laborais e persoais.
Os contidos a tratar serán:
- ¿Qué son as habilidades sociais?
- Autocoñecemento.
- Comunicación verbal e non verbal.
- Aprendo a ser asertiva.
- Resolución de conflitos.
O obxectivo é que todas as persoas desempregadas do Concello do Grove con espíritu emprendedor, que teñan un proxecto en mente, e non saiban cómo poñelo en marcha, acudan a este taller para tomar nota dos pasos que se deben seguir para a posta en marcha da súa idea empresarial. Ademáis de coñecer das axudas autonómicas e estatais que teñen á súa disposición para facilitarlle o desembolso económico que conleva a posta en marcha dun proxecto.
Os contidos a tratar serán:
- O/ a emprendedor/a e a idea.
- Facer un Plan de Empresa.
- Axudas e subvencións autonómicas.
- Axudas e subvencións estatais.
- Entidades de apoio ao emprendedor/a.
Así mismo, o Alcalde de O Grove, Miguel Ángel Pérez, mostrou a súa satisfacción pola posta en marcha desta iniciativa xa que “é moi importante desenvolver ferramentas que axuden aos desempregados a atopar emprego”.
O número máximo de participantes será de 15 persoas por taller.
Para inscribirse nos talleres hai que entregar unha solicitude na Axencia de Desenvolvemento Local do Concello do Grove. A solicitude se pode recoller na AEDL ou ser descargada dende a páxina web do Concello.
No hay comentarios:
Publicar un comentario