A formación que lidera Miguel Ángel Pérez criticou que os bancos ou as marquesiñas do lugar do Grove “que máis visitantes recibe” leven “moitos meses” nun “estado deplorable” a pesares de que a súa reparación é “sinxela” e pouco custosa.
O PP local lamentou nun comunicado que “moitos dos bancos” de Beiramar estean danados; cos barrotes rotos e coas platinas de ferro que os sosteñen “provocando situacións de perigo”; ao mesmo tempo que as marquesiñas, “moi utilizadas” polo transporte escolar, presentan “situacións penosas”, con pintadas ou cristais rotos. Ademais, denunciou que a varanda metálica da rampla que se sitúa na zona final do paseo leve rota “moitos meses”.
Considera esta formación que estas son actuacións “sinxelas” cun custe “non excesivo” que axudarían a mellorar a “presentación da nosa vila”, e contrapoñen este abandono á “política de permanentes anuncios de accións que nunca chegan” do Goberno local, que, segundo eles, avogou pola “adquisición de vehículos de todo tipo case que a diario” ao mesmo tempo que “se queixan de falla de medios económicos”.
No hay comentarios:
Publicar un comentario