De Leria polo Corgo

Que vos parece o novo lio que teñen no cuatripartito polas queixas de Neno (o de I.U.) de que non se cumpre nada do acordado no pacto de goberno?
Dicíalle un home o outro dia aos compañeiros de tertulia na punta do muelle. Como podedes entender as versións eran tantas como persoas participaban, pero ningunha era moi alentadora en canto a situación que vive o noso goberno.

Non pode ser que se queixe agora este home cando veñen permitindo "o desastre" (según el), que incluso o alcalde lles fallou,etc. e logo que diga que avalan a continuidade do goberno e sobre todo si lle dan unha dedicación exclusiva máis para Xan Lamelas ou polo menos algún funcionario para que lle axude; dicía o primeiro deles.

O da súa dereita levaba o tema máis alá e aventuraba que o goberno estaba rompendo ante a cada vez máis cercana data das eleccións. Hai que ir tomando posicións dicía el.

Outro deles, máis sarcástico preguntaba: é que estiveron algunha vez xuntos? sabía calquera deles o que facía o outro? sabía sequera o alcalde a que se dedicaban os demais? marcou algunha vez unha liña a seguir? É o alcalde pero é o que menos capacidade de decisión ten, porque non chega, non lle deixan decidir en máis do sesenta por cen dos temas do concello. Bea, ten máis capacidade de decisión ca el, e co seu consentimento, non vaia ser que o apeen do sillón. Nunca o Grove estivo tan desatendido, i esta vez si é por cuestións partidarias, porque precisamente tódolos roces veñen por seren 4 a mandar, ou perdón 3, porque este que xenera agora o lío xa di el que está de comparsa.

O último dos contertulios, pois eran catro, ante as evidencias lamentaba o de sempre, catro anos perdidos e agora sen desculpas pois a oportunidade que sempre pediron aquí a teñen e non saben aproveitala. Vailles pasar como os do bipartito. O discurso de que se necesita unha maioría tampouco vale, posto que a teñen ABSOLUTA e polo menos por agora non demostraron que valese de moito máis que ter unha minoría como había antes.

Coa mesma, xa se acaba o muelle e dous deles tiraron cara a Lordelo e os outros dous pa Peralto.

Ata mañá

Incumprimentos do BNG

No percorrido que estamos a facer polos programas dos partidos políticos que conforman o cuatripartito e moi concretamente por aquelas medidas que cada un deles presentou no seu día como "medidas estrela", atopámonos hoxe coas " 15 ACTUACIÓNS URXENTES " propostas polo BNG e que "cuspidiño" aos seus compañeiros non cumpriron ningunha delas.

Vivendas protexidas
Unha das primeiras medidas que prometeron como urxentes, foi a construcción de vivendas protexidas. Está ben este compromiso, este anhelo por parte de calquera gobernante; o que xa non está tan ben é que con elo pretenda enganar a ninguén. Non se pode prometer unha cousa si de antemán xa se sabe que non se vai esforzar en conseguila dende o momento en que deciden aparcalo PXOM.
Ten especial gravidade este tema neste grupo político porque deles dependía a responsabilidade de vivenda na Xunta de Galicia bipartita e fixeron dela a súa bandeira. Sen embargo, cando o seu líder presentou o Plan Sectorial Galego de Solo Residencial en Santiago, O Grove quedou marxinado. Non apareciamos por ningures; nunha das areas previstas onde O Salnés aparecía mesturado con distintos concellos galegos , dotábase a mesma con 4.000 vivendas das cales <>nin unha soa era para O Grove.
Tivo que ser o Partido Popular, a través dunha moción presentada no pleno da corporación quen alertase da situación e solicitase que O Grove fose incluído en dito Plan. Non tiveron máis remedio que apoiar a moción. Dá idea esta situación da preocupación deste grupo político por facer vivendas no Grove e tamén da importancia que o mesmo lle daban os seus compañeiros en Santiago.

Local de ensaio
Prometeron tamén, "un local de ensaio". Que nós saibamos, o mentado local para ofertarllo aos distintos grupos musicais e outras disciplinas artísticas tampouco existe. Non sabemos se o plantexaron sequera onde correspondía (Dirección Xeral de Xuventude) ou simplemente, neste departamento non o consideraron. Dende logo, nin no pleno da Corporación nin a través dalgunha iniciativa que se puidese dar o apoio explícito ao mesmo, o plantexaron. Tivemos sen embargo oportunidade de comprobar nos medios de comunicación como por Galicia adiante se inauguraban centros deste tipo. Puidera ser que os nosos compañeiros non tivesen a forza suficiente na organización para seren escoitados?. O certo é que outra das súas promesas estrala quedou no tinteiro?.

Sector turístico e hoteleiro
E que nos din da "Dinamización do sector turístico e hoteleiro". Supomos que esta promesa estaba tamén baseada na responsabilidade que os seus compañeiros na Xunta tiñan. Eles eran os responsables da área de Turismo, pero aquí non se notou absolutamente nada. Tendo este instrumento de man foron quen, sen embargo, de permitir que O Grove deixase de facer promoción no exterior, abandonando a asistencia a feiras, work-shops, etc.
Nunha espectacular "pirueta" apoian o tiro de pichón nun pleno para non quedar descolgados do resto da corporación, namentres os membros deste grupo asistían a manifestacións en contra do mesmo ou "dábanlle paus" tódolos días ao evento.
O tempo anuncian, para disfrazalo tema a súa proposta alternativa que é a posta en marcha dun Plan de transporte marítimo que ía enchelo Grove de portugueses por esta vía, e do cál dous anos despois aínda non se sabe nada.
Déronlle as costas ao sector na aposta destes por conseguir un campo de golf no Grove e os enfrontamentos co sector son continuos.
En resumidas contas non aportaron absolutamente nada ao sector no noso concello a pesar de ter a posibilidade de facelo, por ser responsables do turismo en Galicia durante catro anos.

A palabrería non pode agochar o que é un feito irrefutable. As declaración do concelleiro confirman o que o PP denunciou.

Unha vez máis o Concelleiro de Cultura volve a sorprendernos coas súas rebuscadas desculpas para intentar disfrazar o salto dunha edición do Premio de novela Manuel Lueiro Rey. Pero coas súas declaracións non fai máis que confirmar que nós estabamos no certo.

Convocar o premio a 45 días de rematar o ano e despois da nosa denuncia pública é, cando menos, sospeitoso. Cambiar o ciclo para o sr. Mascato debe ser saltarse unha edición.
Onde están publicadas as bases? Cómo agora sae a prensa dicindo que se vai convocar a semana que ven? Onde o tiña anunciado? Ou acordoulle agora que nós o denunciamos?

E o feito de que hoxe diga que a entrega do 2008 vaise facer o vindeiro día 13 segue a confirmar que a maneira de traballar deste departamento é a improvisación e o engano e que os xuízos de valor e as opinións trocadas son as del.

Claro que houbo premio no 2007, convocado polos concelleiros do Partido Popular; claro que o houbo no 2008, grazas ao traballo realizado en anteriores edicións polo Partido Popular. No 2009, dende logo nono vai a haber, en tal caso será no 2010.

O partido Popular en ningún momento se atribuíu a creación do Premio, pero si é certo que durante os anos do seu goberno introduxéronse importantes melloras na súa edición, convocándose tódolos anos, acadando a publicación das obras gañadoras e traballando arreo para promocionalo e dese xeito imprimirlle o prestixio e consolidación que hoxe ten.

A actual concellería, sen embargo, non moveu un só dedo para promocionar o certame, senón todo o contrario. Como se entende que no programa (publicado) do día das Letras Galegas deste ano se lle dedicasen actividades ao mencionado autor e logo de seren suspendidos os actos por motivos alleos á organización, cando estes se retoman e celebran no mes de xuño, non aparecen as mencionadas actividades por ningures cando si se dedican a outros autores.

Ao respecto do acto de entrega, facíase como debe ser a dun premio deste prestixio, con actos paralelos e convocando a toda a corporación e a familia do autor. Actos, nos que por certo sempre participaron os seus compañeiros de partido. No tocante á comida que se celebraba cos membros do xurado e premiado (parécenos o mínimo) pero que tanto lle preocupa dareille un dato; fixéronse sempre en restaurantes do Grove, co cal ao tempo promocionabamos e axudabamos a fomentar a hostalería local, e nunca contratando caterings "de fora do noso concello" como adoita a facer o actual concelleiro. Tendo a variadísima e profesional oferta que temos no Grove en restauración parece un desprezo contratar a ninguén de fora. O mesmo sucedía co ramo de flores que se entregaba en cada edición e que ao sr. Mascato tanto lle molesta.

Falta á verdade cando di que non se autonomeu membro do xurado, porque calquera que consulte ás bases da XVI edición que el mesmo editou pode comprobar que di oseguinte: Actuará como membro do xurado, con voz e sen voto, o concelleiro de cultura do Concello de O Grove.

Para rematar, poñemos en dúbida que os libros da obra gañadora da edición do 2008 estean nos centros educativos, xa que nas averiguacións feitas onte mesmo non atopamos resultado positivo do mesmo, do mesmo xeito que onte mesmo puidemos comprobar que non estaba na biblioteca municipal como se afirmou.

A desaparición do Premio de novela curta "Manuel Lueiro Rey": interese ou desinterese.

O Partido Popular sospeita que algún interese comercial ou de editoriais poida estar detrás da desatención a que está sometido o Premio Lueiro Rey nestes anos do cuatripartito.

O Grove, 2 de novembro de 2009.- En xuño de 2007, cando o Sr. Mascato tomou posesión da concellería de cultura, atopouse cun premio literario plenamente consolidado e en auxe, logo de anos de esforzos e importantes colaboracións de persoas para que así fora. As bases da XV edición foran editadas en febreiro de 2007 (como habitualmente) e difundidas por toda Galicia.
Non sabemos si ao Sr. Mascato non lle gustaría que outros levasen os méritos do traballo e foi por elo, que quixo imprimirlle ao premio o seu selo persoal, que non é outro que a improvisación e a falta de organización.

Nin corto nin perezoso, auto nomeouse a se mesmo, secretario do Premio e organizou unha entrega "de tapadillo" repletiña de despropósitos: fíxose a véspera de Reis (supoñemos que para sacarlle o protagonismo a Cabalgata), non se informou nin se convocou a familia, nin tan sequera a corporación e inclusive a membros do seu goberno, tampouco se convocaron actos paralelos.........e incluso por non facer ni tan sequera se fixo entrega do Premio ao gañador dese ano que se foi para a súa casa sen o importe do premio e sen os 25 exemplares que, como gañador, lle corresponden. Pero iso si, como ven sendo habitual nos membros do cuatripartito, o concelleiro de cultura prometeu unha morea de actividades para promocionar a figura de Lueiro Rey cara as Letras Galegas do 2011.

O 2008 non fixo máis que empeorar a cousa. Como esta vez non tiña o traballo feito quizais pensou que non se ía notar se non se convocaba, pero unha vez máis atopouse con que o traballo ben feito en cultura polo Partido Popular nos anos precedentes seguía a dar os seus froitos e os orixinais para a edición do 2008 comezaron a chegar ao concello, a pesar de non estar convocado o Premio. Non lle quedou outra que convocar a XVI edición tarde, mal e arresto en setembro dese ano cunha simple nota de prensa nos diarios de edición comarcal; pero iso si, do que non se esqueceu foi de aumentar o seu protagonismo auto nomeándose esta vez, membro do Xurado. Claro que non lle facía falta traballar máis posto que contaba coa vantaxe de que xa tiña os orixinais no peto. Sen embargo, da entrega desa edición non se sabe nada. Estamos a piques de rematar o ano 2009 e aínda non se entregou o premio do certame do 2008.

É de supoñer pois que este ano non se vai convocar e cabe preguntarse se o desinterese polo Premio se debe tan só á súa incapacidade de xestión cultural e á do alcalde (que non é capaz de por orden en ningún dos temas) ou se tamén inflúen algúns intereses comerciais.

Que é o que pretenden o Sr. Mascato e mailo alcalde?
Deixar morrer o certame porque a súa organización require moito traballo?
Que non sexa a actual editorial a que edite o premio, como din as malas linguas?

O único que queda claro é que, a estas alturas do ano (finalizando o mesmo), nin se entregou o premio do 2008, nin temos coñecemento de que a obra gañadora fose editada, nin se fixo a convocatoria do 2009, nin se organizou ningunha das actividades nin actos para potenciar a figura e a obra de Manuel Lueiro Rey que unha tras outra vez prometeron.
Como pode comprobarse, todo un desaguisado que amais de sumir o premio no esquecemento, a base de trocar as datas, estanse a eliminar edicións

AS PROMESAS DO ALCALDE SEGUEN SIN SER CUMPRIDAS

FAI UN ANO E MEDIO QUE DIXO QUE AS OBRAS EMPEZARÍAN DE MANEIRA INMINENTE

Hai un ano e medio, o Sr Cacabelos anunciou a bombo e platillo, tal e como nos ten acostumados desde a súa chegada, que aproveitando as obras que o goberno do Partido Popular adxudicara na Rúa Luís Seoane, ía inmediatamente despois do seu remate, comezar as obras do segundo dos tramos da rúa. Acompañado desta importante obra para o noso concello, tamén ía aproveitar para facer un cambio de sentido do tráfico na Rúa Castelao, a rúa máis comercial do Grove, a cal, segundo el, ía traer nova vitalidade ó comercio da vila.

Pois desde esas datas, ata o día de hoxe, e despois de anunciar tres meses máis tarde que coa chegada do verán era mellor non comezar as obras para non provocar un caos circulatorio nunhas datas nas que xa por si mesmo se fai complexo conducir polas rúas da vila, esta mesma escusa serviulle en non menos de SEIS OCASIÓNS (e outras tantas que nos quedan) para a día de hoxe non ter nin anunciado de novo, o próximo comezo das obras.

I é que os veciños desta vila xa están fartos das MENTIRAS do Sr Cacabelos, que o único que sabe facer é anunciar proxectos que non comezan, e comezar proxectos que, a día de hoxe, son inútiles e ilegais, como a rúa que se abriu para o futuro centro de saúde. Mentres, durante o tempo que leva anunciado a reforma da Rúa Luís Seoane, xa se sufriron innumerables cortes de auga, continuos rebentóns, e baches que enchen unha rúa a cal non se lle pon man, “porque a súa reforma é inminente”.

Pero unha das cousa máis incribles do caso e a cal desconcerta ó noso partido e apoia a validez do noso argumento da deixadez, da falta de ideas, do desgoberno e de que ó Sr Cacabelos o cargo de Alcalde QUÉDALLE MOI GRANDE, é o feito de que un ano máis tarde de levar unha modificación de crédito, esta aínda estea sen adxudicar.
Despois de ver como tódolos males deste concello son grazas á Deputación de Pontevedra, o Sr Cacabelos ten a oportunidade de demostrar a súa xestión facendo tan só o que prometeu, e non é capaz de levar a diante algo tan simple.

As 10 medidas urxentes incumpridas do PSOE

No recorrido que nos propuxemos facer sobre o grado de cumprimento das promesas electorais dos partidos que compoñen o CUATRIPARTITO, comezamos por revisar as do Partido Socialista, (que foron moitas e variadas) i eles mesmos concretaron a súa acción inmediata en, 10 MEDIDAS URXENTES PARA 100 DIAS, das cales iremos comprobando pouco a pouco que non cumpriron nin a primeira. Hoxe analizaremos tres delas.

Consello Municipal de Asociacións Veciñais
Non só non a cumpriron senón que nin a intentaron. Nunca fixeron proposta algunha sobre este tema; pola contra a comunicación do goberno cos colectivos sociais do municipio estase a caracterizar, precisamente, polo contrario, polo distanciamento, pola escasa participación que lles dan e pola falta de entendemento e bronca na maioría dos casos.
Curiosamente, a participación que foi o discurso destes grupos políticos durante anos é máis escasa que nunca e a principal característica deste goberno neste campo foi facer o contrario do que pregoaron. Non se creou Consello sectorial novo algún (como prometeron) e os que existían déixanos esmorecer: Algúns deles non se convocaron nunca. Chegamos a escoitar incluso nun pleno unha consideración da concelleira de Educación dicindo que para que convocalos " si total xa me dixeron que non valen para nada". Que podemos esperar con estes mimbres?
O único que se ten convocado é o de Turismo e Festa do Marisco, pero o resultado xa o coñecen. Sen contido e co mérito de conseguir poñer a todas as asociacións empresariais esixindo cambios ou do contrario vanse do Consello.
Resumindo, non só non fixeron o prometido Consello de Asociacións Veciñais se non que están empeñados en facer desaparecer os existentes ou simplemente "taparlles a boca".

Urbanismo. PXOM
Con respecto deste tema penso que xa pouco queda por dicir e pouco por comprobar. Logo da batalla que con este asunto deron, cando teñen a oportunidade NON FIXERON ABSOLUTAMENTE NADA (unicamente cancelar o contrato a empresa redactora): Non se convocou unha soa vez a Comisión de Urbanismo para afrontar o tema a pesares de ser a "pedra angular " de casque tódolos males do concello.
A falla de solo habilitado urbanisticamente impide que levemos a cabo moitos os proxectos dos que nunca acabamos de falar, e a inseguridade xurídica para os veciños por non ter un planeamento adaptado á lei en vigor é total.
Non se pode enganar máis tempo aos veciños. Será que agora teríanse que desdicir das moitas barbaridades coas que alimentaron os oídos dos veciños con anterioridade? Que foi de todas aquelas promesas de participación no mesmo?
En moreas de ocasións brindamos a nosa colaboración e apoio incondicional para sacar este tema adiante pero unha tras outra foi rexeitado. Logo temos que oír o discurso de que "temos que arrimar o ombreiro".

Oficina de trámite de subvencións para Asociacións e colectivos
Onde está?
Tramitóuselle a algún destes colectivos unha soa subvención?
Que medidas de apoio cara a eles tomaron?
Vamos camiño de rematar o ano e aínda non saíron as bases para convocar as axudas de cultura e algunhas máis . É esta a maneira de axudarlles?. Parece máis ben de afogalas.
Ademais do consabido distanciamento que conqueriron con moitas delas, coñecemos multitude de exemplos de rexeitamento e desprezo cara aos colectivos, ata o punto de escoitar nun pleno por boca dun concelleiro do goberno "que el non estaba para resolverlles os problemas a ninguén, que si nin sequera sabían cubrir un papel, que se dedicaran a outra cousa" aludindo a axuda non prestada a un determinado colectivo por non presentarlle a solicitude en tempo e forma aínda cando o tiñan feito persoalmente co concelleiro.

O Próximo venres seguiremos con outro grupo, que hai dabondo. Saúdos.

MOCIÓN SOBRE A PRESERVACIÓN DA VARIEDADE ALBARIÑO NO DESENROLO REGLAMENTARIO DA OCM.

O Partido Popular do Grove presentou esa moción por urxencia no Pleno do luns 26 de outubro, pero o goberno cuatriparito rexeitou a súa inclusión na sesión plenaria.

Debido a esa gran decisión dos que se fan chamar "progresistas"... será presentada por rexistro para proceder ao seu debate no próximo Pleno.

MOCIÓN SOBRE A PRESERVACIÓN DA VARIEDADE ALBARIÑO NO DESENROLO REGLAMENTARIO DA OCM.

O Grupo Municipal do Partido Popular de O Grove, en base a lexislación vixente, presenta ao Pleno da Corporación esta moción relativa á necesidade de que o Ministerio de Agricultura preserve, no desenrolo regulamentario da OCM vitivinícola, a variedade albariño para determinados usos.

EXPOSICIÓN DE MOTIVOS.

1. A nova OCM ten previsto, no seu artigo 50.2.b do Capitulo IV, a posibilidade da preservación de certas variedades de uva na elaboración do viño. Esta norma outorgará a cada Estado membro a posibilidade de impedir que no etiquetado dos viños se mencione certa variedade que en función dunha serie de criterios obxectivos, será excluída e polo tanto, preservada.
2. O criterio esencial esixido pola normativa comunitaria para a preservación das variedades é que "exista risco de confusión para los consumidores sobre el auténtico orixe del vino debido a que la variedade de uva es parte integrante de una Denominación de Orixe o Indicación Xeográfica".
   
• No caso da D.O. Rías Baixas, a variedade albariña é a súa variedade principal. Dende os seus inicios, a D.O. foi da man da súa variedade máis emblemática non só a nivel de producción senón tamén a nivel de prestixio e identificación do consumidor.
• Dos 18.736.895 kilos producidos no 2007 polas variedades da D.O. nas 3.496,73 hectáreas das subzonas de Condado, O Rosal, Ribeira do Ulla, Soutomaior e O Salnés, 17.709.572 kg. corresponden a variedade albariña, 366.544 a de treixadura e 314.522 a de loureira.
• Respecto da plantación, as htras rexistradas nas subzonas son: 3.175 de albariña, 217 de loureira e 104 de treixadura.
3. A base social i económica do Albariño afecta a máis de 6.000 persoas que viven directa ou indirectamente dun sector que é o segundo, trala pesca, en importancia en moitas destas comarcas.

Polas anteditas razóns, sometemos a consideración do Pleno da Corporación para que se adopten os seguintes ACORDOS:

1. Instar ó Ministerio de Agricultura que, no desenrolo regulamentario da OCM vitivinícola, preserve a variedade albariño para uso exclusivo por aqueles viños amparados a Denominación de Calidade que teñan esa variedade contemplada nos seus regulamentos, como é o caso da D.O. Rías Baixas que no artigo 2 do seu regulamento di textualmente que "a protección outorgada ampara exclusivamente o nome da variedade Albariño, que unicamente poderá utilizarse en viños obtidos a partir de uva desta variedade, que cumpran os requisitos establecidos no presente regulamento".
2. Instar ó Ministerio de Agricultura así mesmo, para que nesa preservación faga especial fincapé na negativa do uso da variedade albariño nos viños de mesa.
3. E instar finalmente, ó Ministerio de Agricultura a que, entre as variedades de uva preservadas polo Estado Español se contemple a uva albariña; porque a non preservación desta variedade implicaría un elevado custe de control, un escasísimo beneficio para os operadores supostamente beneficiados e unha grande confusión no consumidor que identifica esta variedade coa D.O. Rías Baixas non só a nivel nacional senón tamén a nivel internacional.