Ao alcalde do Grove fáltalle credibilidade para amosar agora, preocupación polo eido urbanístico.

O POL non deixa de ser unha peza máis do puzzle que nunca intentou compoñer, a pesares da boa vontade mostrada por axentes sociais e forzas políticas para colaborar. O Plan Xeral é o traballo pendente polo que debe mostrar preocupación.

O Partido Popular de O Grove coincide en que o POL (Plan de Ordenación do Litoral) debe considerar certas singularidades que se dan no noso territorio e non ten dubidas de que este novo instrumento pode ser unha boa ferramenta para por en valor e protexer determinados espazos, ao tempo que debe facilitar o crecemento urbanístico noutros, onde as condicións actuais así o permitan e aconsellen e que sexan froito do consenso entre administracións e forzas políticas da corporación.

É por elo, que unha das nosas teimas durante o mandato que estamos a piques de rematar fora precisamente incidir na necesidade de contar cun documento que no eido urbanístico fora definitivo e nos alonxara da provisionalidade, na que dende fai anos nos atopamos. Para elo, fixemos múltiples ofrecementos ao alcalde no senso de colaborar nesta tarefa, pero nunca fomos escoitados.

Sorpresiva e desgraciadamente puidemos comprobar ao longo deste mandato que non puxeron o máis mínimo empeño neste traballo, que por outra banda foi, o detonante utilizado polos agora gobernantes , para no ano 2006 crear un movemento social importante, do que agora comprobamos, o que xa entonces este partido denunciou. Interesáballes unicamente crear un clima de crispación a conta da redacción daquel Plan Xeral, pero nunca como se comproba cinco anos despois, resolver o problema de fondo, que é contar cun planeamento no Grove.

Fallaron a toda aquela xente, abandonáronos e mentíronlles, posto que fai catro anos que teñen o poder e as ferramentas necesarias para levalo a cabo, e olvidáronse deliberadamente do asunto, protagonizando o acto de covardía política máis grande que nunca levou a cabo un gobernante no noso concello.

Chama a atención pois agora, esta repentina preocupación polo asuntos urbanísticos que intenta demostrar o noso alcalde, pero a confianza daqueles e outros moitos veciños neste goberno mudou moito por haber faltado a palabra dada.

A permanente preocupación de ir sacando temas adiante coa aplicación de Plans Especiais, e outras figuras urbanísticas imposibles, como o intentado no caso do Sineiro (que suporía meter a aqueles que utilizasen esa formula nunha total indefensión xurídica ) evidencian a falla de compromiso deste goberno que tan só intenta resolver problemas puntuais, problemas xenerados por eles mesmos, situacións de corto alcance e non se esforzan en resolver os principal problema que temos como pobo, como conxunto, que é a redacción dun Plan Xeral.

Unicamente e a pesar do tempo perdido, o pórse a traballar de verdade neste documento podería paliar en parte esa falla de credibilidade que merecidamente o máximo responsable deste goberno se gañou durante estes anos. Unha vez máis que saiba, que nese empeño si finalmente se decide nos lle van faltar compañeiros de viaxe.