Incumprimentos 4. Esquerda do Grove - Esquerda Unida.

No percorrido polo capitulo de incumprimentos que ten no seu haber o goberno de O Grove non podían faltar as promesas (que deben estar no mesmo caixón cas anteriores) de Esquerda Unida, ou Esquerda do Grove ou como se chame.

Ademais agora están de rabiosa actualidade, debido a que grazas ao "traballo aportado ata este momento" e a "decisiva participación deste grupo na vida dos grovenses" van ser premiados coa contratación dunha persoa da súa confianza para facer, o que nos din que o concelleiro "non pode".
E quen lla mandou presentarse as eleccións? Se non podía, que deixe paso.
Pero, e que xa se arreglaron todos os problemas que viñan denunciando dende fai meses?.

Todo era un desastre, o alcalde lles fallara, os obxectivos que se marcaran co pacto non se cumpría ningún, non se comunicaban, etc. etc. Xa está todo solucionado?, Sabe alguén onde anda Neno?, Xa se lles acabou o discurso?.
Non sería máis congruente, que si todo é así como denuncian e levan meses denunciando e os compañeiros meses sen facerlle caso, que abandonasen o goberno e pasaran a formar parte da oposición?
Debe ser, que se está máis quentiño dentro, e sobre todo con soldo.

O conto é, que o dilixente cuatripartito de O Grove acaba de tomar "unha importantísima medida contra o desemprego", e nos acaba de facer felices a todos regalándonos un "sueldiño máis". Todo un compromiso duns políticos de "pura esquerda" como adoitan dicir eles. Total, pajamos todos.

Pero cales foron as promesas-estrela deste grupo?

PXOM

Como non podía ser doutra maneira, o PXOM, pero ademais dixeron que era o primeiriño, que era urxentísimo.
Logo faláronnos do Polígono Industrial, como creador de postos de traballo, dinamizador, etc., e non lles falta razón, pero que fixeron por elo?. Xa se darían conta de que sen o anterior, sen PXOM, non hai posibilidade?.

Centro de día
O Centro de Día tamén foi unha teima deste grupo, que non quería ser menos que os demais, pero tropezamos co mesmo problema, non temos solo urbanisticamente cualificado para elo.
Xa se darían conta de cál é a maneira de arranxalo?,

Xestión cultural e deportiva
Tamén prometeron cambios importantes na xestión cultural e deportiva, e a boa fe que o conseguiron, pero pola queixas que escoitamos a cotío, non parece que para mellor.

Democracia participativa
Agora ben, a gran estrela do discurso deste grupo foi a "participación", a "democracia participativa",
Moito falar de dar cancha as asociacións culturais, veciñais, empresariais, etc. incluso aos partidos políticos, e falta a primeira vez que se convoque a Xunta de Portavoces do concello para prantexarnos algo. Nin unha soa vez.
Pois este grupo, ía ser precisamente o garante desto. !!Menudo fracaso!!. Ata tal punto, que sucedeu que son os demais grupos do cuatripartito, quen non os teñen en conta a eles.
Agora van un pouquiño mellor, posto que conseguiron "un trofeo", digo un soldo.

Dinamización

Que seria da dinamización que sempre prometeron levar a cabo a través dos consellos sectoriais que tanto preconizaron e agora non convocan ?, sabe o concelleiro deste grupo (E.U.) que existen consellos sectoriais que nunca se convocaron?, que me di do de Educación que sempre presumiron de montar eles, e dicían que era unha ferramenta fundamental?.

Consello Económico e Social
E que me di do C.E.S. (Consello Económico e Social)?
Cantas mocións levou a pleno este grupo e sempre arroupado pola esquerda para sacar adiante este tema? Solo, a súa incompetencia ou a demostración que o seu era un discurso vacuo, o pode evitar, xa que agora teñen maioría suficiente para facelo.

Pero, para que facerse máis preguntas?, si cos seus feitos xa nos contestan.