A PROPOSITO DA XENOFOBIA.

Supoño que os cidadáns de Viana do Castelo cando elixen ao seu alcalde, farano para que defenda os intereses dos veciños de Viana.
Supoño que tamén o farán o resto dos veciños portugueses cos seus prefectos, e non creo que haxa ninguén que acuse xenófobo a ningún alcalde que cumpra coa obrigación que lle vai anexa no cargo.

Eu, por exemplo, non me sinto xenofobeado porque o alcalde de calquera lugar faga o posible por beneficiar empresas do seu pobo, sempre que actúe dentro da lei. Pero parece ser que si eu digo que con cargo as obras municipais de O Grove se favorece o emprego de portugueses, vai vostede e dime que son xenófobo. Pois non; nin o son nin o fun nunca, o que si fun foi un defensor das empresas do noso concello cando fun alcalde, sempre que mo permitiu a lei.

Do que xa non estou tan seguro é de se o Sr. Cacabelos non terá algo de xenófobo paro cos empresarios e traballadores do Grove que son os seus propios veciños, pois non esquezamos o que dixo da falta de preparación das empresas grovenses para acometer as obras do Plan E.
Serán os de fora mellores albañiles que os de aquí por cuestións de raza ?.