Nova publicada en todogrove.com
Os representantes do Partido Popular grovense mantiveron na tarde deste mércores unha xuntanza coas asociacións culturais que recentemente elaboraron un manifesto no que se reclama a construción dun auditorio no municipio.
A formación que lidera Miguel Ángel Pérez continúa coa súa intensa actividade, e na tarde do mércores procedeu á súa terceira xuntanza cun colectivo local no que levamos de semana. Desta volta, os populares mecos xuntáronse cos asinantes do manifesto a prol da construción dun auditorio, promovido semanas atrás pola asociación cultural Enxebre.
O PP amosou o seu “apoio” á reivindicación deste colectivo, e transmitiulle aos asistentes o seu “compromiso” con este obxectivo, “unha das principais preocupacións dos populares de cara o próximo mandato”.
Segundo explicou este partido nun comunicado, o devandito auditorio é definido no seu programa como un “recurso físico de vital importancia para o municipio”. De feito, mesmo aseguran que están “a estudar máis dunha posibilidade real” para o hipotético emprazamento do mesmo
No hay comentarios:
Publicar un comentario