Rogos e Preguntas do Pleno de 17 decembro de 2007

Rogo:
No pleno do 15 de outubro do 2007, entesámonos por boca do Sr. Cacabelos, que aprobando o orzamento do 2007, unha das medidas máis importantes que conlevaba, era, a aprobación unilateral, dun complemento especifico de 1.800 euros anuais, a dous traballadores do noso concello, sen ter en conta as reivindicacións dos demais.
Esta medida, trouxo consigo unha rápida i enérxica resposta por parte dos sindicatos i comité de empresa, que provocou distintas xuntanzas nos seguintes días, coa esixencia, por parte destes (sindicatos e comité de
empresa) dunha rectificación daquela postura que ninguén se explicaba.
Sabemos, como sempre, a través dos medios de comunicación e da rumoroloxia, de distintas solucións para agochar aquel problema, que os axentes sociais, ameazaron inclusive con impugnalos orzamentos,

ROGAMOS, por tanto,
Que se nos dé conta, dos termos do acordo, si o houbera, e si non, cal é a situación actual con respecto deste asunto.
*************************************************************************************
Pregunta:
A pasada semana tivemos coñecemento a través dos medios de comunicación do peche dun camiño público por parte dun particular. Dito camiño facilitaba o aceso as praias de Canelas e de Fervide, así como a diferentes propiedades, que desta maneira ven imposibilitado dito aceso. Temos motivos máis que suficientes, a tenor da documentación aportada e consultada pola Comunidade de Montes de San Vicente de que se trata dunha antiga vía de servizo pública, por elo, PREGUNTAMOS, ¿ Concedeulle licenza de obra o Concello para proceder ó peche desta posible vía pública?, de ser así, ¿ Conforme a que criterios e documentos foi dada dita licenza?
*************************************************************************************
Rogo:
Dende o Partido Popular queremos transmitir a nosa satisfacción o comprobar que reiteradas demandas feitas insistentemente, pleno tras pleno veñen a ser contestadas. Referímonos en primeiro lugar, á eliminación dun importante vertedoiro de lixo no lugar das Baladas, en Reboredo.
ROGAMOS, que no cartel, que advirte da sanción deberían publicitarse os servizos de recollida a domicilio e o Punto Limpo, para evitar que os residuos que antes se depositaban aquí, acaben depositados en espazos naturais.

ROGAMOS, que se proceda á limpeza e acondicionamento do Mirador de Con da Hedra e o Paseo de madeira de Pedras Negras, debido o lamentable estado de conservación e mantemento no que se atopan.

ROGAMOS, tamén que se reforcen os puntos de contenedores de recollida selectiva de envases (fración amarela) dado que se ven de comprobar, que en determinadas rúas resultan insuficientes, o cal é un bo sinal que demostra a boa concienciación dos veciños e o seu compromiso coa separación e o reciclaxe, todo elo en gran medida grazas a xestión realizada polo anterior goberno do Partido Popular.
*************************************************************************************

Pregunta
A concellería de Educación, do anterior goberno local do Partido Popular, tivo a excelente idea de crear os premios os premios de educación secundaria. Con eles, tratábase de premiar o esforzo, a dedicación i o estudio dos mellores alumnos e incentivar os seus compañeiros para que algún deles tomara o seu relevo no próximo curso. Máis, co cambio de goberno, estes premios deixaron de ser convocados.
Dende o Partido Popular, PREGUNTAMONOS, por que se deixou de convocar estes premios, e así mesmo, ROGAMOS, o novo goberno, que os volva a convocar.